ellabella

2007-08-14T17:44:00.001Z

Sparaspara

2007-08-14T17:40:00.000Z

Jæjajæja,
lífið gengur fínt hér í kóngsins, loksins búin að koma mér fyrir, og hef það fínt, reyndar ekki komin með vinnu, en er bjartsýn á að það fari allt að gerast. Dagarnar eru bara svo fljótir að líða, var að leita á netinu í dag en sótti reyndar bara um eina vinnu, svo fór ég í möntvaskið og keypti í matinn, og þetta tekur bara allt sinn tíma. Fór í eitt atvinnuviðtal fyrir helgi á kaffihúsi sem er bara í sama húsi og ég bý í, það var reyndar ekki alveg að gera sig, fannst þetta ganga eitthvað voðalega undarlega fyrir sig þarna, talaði við konu eigandans og var ekki alveg að fíla það sem hún var að lýsa fyrir mér, maður á fyrst að mæta í eina vakt til prufu, sem er svosem eðlilegt, nema þessi prufudagur er ekkert borgaður, og þegar ég spurði hvort það væri alveg heill dagur sem færi í þetta þá sagði hún að sko þeir sem væru duglegir væru alveg í 12 tíma... mig langaði nú að segja henni að mig vanti ekki sjálboðavinnu. Svo á maður bara sjálfur að fara út í búð og kaupa viskastykki og svoleiðis dót ef það gleymist að setja það í þvott... bara rugl.. finnst mér.
En þeim vantar starfskraft, en ég ætla að leita að einhverju aðeins skárra.
jámmsajámmsa, þetta kemur allt... allavega búin að koma mér mjög vel fyrir í hererginu mínu, fékk mér þetta líka fína rúm í rúmfó og voða sætan lítinn bekk með hirslum undirl, geðveikt sæta kommóðu á flóamarkaði, elska þessa flóamarkaði hérna, keypti líka mynd eftir klimt á 15 kr.! fékk mér svo plaköt af marilyn monroe og nosferatu á veggina.. þannig ég er nú bara búin að búa mér til voðalega kósí íverustað.
jæja ætla heim að elda, já elda! Ótrúleg en satt þá er ella farin að elda bara oní sig kvöldmatinn! sparaspara er mottóið mitt þessa dagana, farin að hamstra og dugleg í tilboðunum í fakta.. hehe

Túddúls!

Wonderful Copenhagen!

2007-08-08T18:55:00.000Z

Jæja þá er mín bara loksins komin til köben, voða næs skal ég segja ykkur, þrátt fyrir að það er aðeins of heitt fyrir minn smekk, eða allavega of mikill raki í loftinu, maður svitnar bara um leið og maður kemur út og fötin límast við mann.
Fann loksins þetta líka kósí kaffihús rétt hjá þar sem ég á heima, sem er með þráðlaust internet, ekki mikið um svoleiðis hér... þ.e. kaffihús með þráðlaust net, auðvitað fullt af kósí kaffihúsum..
Fór í dag og fjárfesti í rúmi í rúmfatalagernum, fæ það samt ekki fyrr en á mánudaginn, þannig ég þarf að bíða smá með að gera herbergið mitt sætt og fínt, en það er allt í lagi, lúri bara í karenar rúmi þangað til.
Ég hef bara yfir einu að kvarta hérna, og það eru moskítóbit, þið sem ég hef sagt búlgaríusöguna vitið að moskítóflugur eru sko langt frá því að vera vinkonur mínar, er komin með 3 risa bit svo ég rauk beint í apótekið þegar ég vaknaði í morgun og keypti mér fyrir og eftir sprey og vítamín, einsgott það virki! Annars er íbúiðin á voðalega góðum stað og sæt frekar lítil gata á milli vesterbrogade og gamle kongevej, með fullt af litlum búðum og kaffihúsum, grænmetissölum, ísbörum og kjöthöndlurum. Svo er náttúrulega frábært að búa með mary aftur og karen.
Ætla svo bara að fara á fullt núna næstu daga að leyta að vinnu og vona bara það eigi ekki eftir að taka langan tíma, ákvað að taka því bara rólega fyrstu tvo dagana, sleikja sólina á islandsbryggju og rölta um hverfið og svona.

Þangað til næst túddílú og skål:)

Tíminn flýgur áfram...og hann teymir mig á eftir sér...

2007-07-22T17:53:00.001Z

Þá er ég loksins loksins búin að taka til í geymslunni, búin að vera á leiðinni að gera það í ansi langan tíma, eða síðan ég flutti inn. Það er sko ekkert smá sem maður sankar að sér, og algjört rugl þegar maður er að flytja að henda ekki meiru, heldur flytja á milli geymslna, þannig þegar maður þarf virkilega að losa sig við dót þá er á alltof miklu að taka. En ég náði að fleygja heilmiklu og gefa slatta líka, mikill léttir að vera búin að þessu. Svo þarf ég að flytja út 1. ágúst og það eru bara 10 dagar þangað til! Tíminn flýgur bara áfram og ég þarf að fara að pakka búslóðinni minni líka. Ætla að byrja strax í kvöld, ætla að fara yfir geisladiskana mína og raða þeim í möppur sem ég ætla að taka með mér út. Finnst ég þurfa að gera svo mikið áður en ég fer, og er náttúrulega að vinna nánast alla daga þangað til, er að hugsa um að sníkja mér bara langa helgi næst og klára að pakka og gista svo bara hjá vinum og vandamönnum síðustu fimm næturnar áður en ég fer. Enda gott að hafa smá tíma með þeim áður en ég fer, er að reyna að skipuleggja mig, en er ekki sú besta í því, alltof góð í að fresta öllu þangað til á síðustu stundu.
Fídel er enn ekki kominn með heimili...
Var að skoða myndirnar af íbúðinni "minni" úti, og hún er sko bara sæt, stelpurnar voru svo góðar að taka myndir og senda mér, mér hlakkar ekkert smá til að komast út til þeirra í kóngsins köben. Verður bara vonandi hætt að rigna og komið sumarveður þegar ég kem, langar í smá sól og sumarstemmíngu, þó það sé búið að vera frábært veður hér þá er það ekki mjög frábært þegar maður er fastur inni allann daginn.
Þangað til næst, Túddílú:)

fafafa

2007-07-14T19:38:00.001Z

Jeminn eini.. hversu vitlaus getur maður verið.. get ekki einusinni fengið þessa blessuðu gestabók til að virka.. byrjar ekki vel...
isspiss fæ bara einhvern tölvugúrúinn að kenna mér á þetta alltsaman..
Anyways.. þá styttist óðum biðin í köben, þannig það er sko einsgott að nota tímann þangað til vel, vera dugleg að pakka og taka til í geymslunni, hitta vini og vandamenn og finna gott heimili handa honum Fídel mínum, ef einhver sér sér fært um að taka að sér voða sætan og blíðan mjásustrák þá er bara að láta mig vita, ég er í algjörum vandræðum með hann... vil náttúrulega ekki þurfa láta hann fara yfir móðuna miklu....
Og þið sem fílíð svipaða tónlist og ég, tjekkið á Death by kite! Snilldardiskur með sama nafni sem þeir gáfu út núna síðasta apríl, ég var svo heppin að fara á útgáfutónleikana þeirra þegar ég var úti um páskana og kolféll.. já að sjálfsögðu danskir myndarlegir drengir... og stúlka.. Nefnilega allt myndarlega fólkið í köben sko... fafafa

24 dagar!

2007-07-13T16:08:00.000Z

Maður er víst ekki maður með mönnum nú til dags nema maður haldi uppi bloggsíðu. Ég hef nú aldrei verið í þessu bloggsístemi áður, en þar sem för minni er heitið til danaveldis eftir aðeins 24 daga, þá ákvað ég að slá til. Ef einhverjir vilja vita af ferðum mínum og gjörðum þar.
Er semsagt að fara eftir rúmar þrjár vikur út að freista gæfunnar, ætla bara að henda fötum og geisladiskum í ferðatösku og krossa svo fingur að ég fái einhverja vinnu þegar ég kem á staðinn. Er komin með íbúð á besta stað í köben, og vinkonur mínar sem ég ætla að búa með eru fluttar, þannig herbergið mitt bíður bara eftir mér!

Þannig, bara spennandi ævintýri framundan hjá mér.. (vonandi)

Bæti einhverju sniðugu á þessa síðu við betra tækifæri.

Túddúls þangað til.